Fellesnemnaren er at skal grunnmuren bli solid og då må dei riktige komponentane vera på plass. I skuleverda, dermed òg leirskuleverda, er komponentane i elevane sine grunnmurar kunnskap og ferdigheiter. Læring av dei kunnskapane og trening på dei ferdigheitene som er eit minimum av det som trengs for å vera best mogleg skodd for framtida.
For elevane frå Krohnengen har ei intens leirskuleveke gitt oppgåver og utfordringar som går på, mellom anna, sjølvstendigheit, ansvar og samarbeid. Dette kjem i tillegg til ei lang rekkje faglege emner knytt til både naturfag og samfunnsfag.
Måndag var fokuset på å bli kjent (med ny plass og nye system) og på å samarbeide.
Tysdag og onsdag var elevgruppa delt i to – begge grupper har gjennomført dei same emna og aktivitetane men på kvar sin dag. Kort oppsummert så har alle elevane hatt tema krigshistorie – eit tema som startar med ein introduksjon inne på leirskulen før resten av dagen går føre seg oppe i Hålandsdalsfjella. Gjennom å bevege seg i same terreng som lokale motstandsmenn gjorde i 1944 og 1945, gjev det eit anna perspektiv enn å lese om det eller sjå det på film.
Det andre, store, tema for veka var fisk og ferdsel på vatn. Alle elevane har vore på Vengsvatnet med tema kanopadling og fisk. Me har padla oss fram og tilbake frå dagens arbeidsområde. Me har dradd garn og me har studert fisk (både på innsida og på utsida).
Torsdag var bygdedag med ulike handverks- og friluftsaktivitetar.
Til saman har det blitt ei innhaldsrik veke – både med undervisningstema og aktivitetar. Me må heller ikkje gløyme den avsluttande dagen i veka – fredagen. Utpakking, avsluttande rominspeksjon og rollespelet i gamle Holdhus kyrkje stod på programmet.
Heilt til sist var det lunsj og heimreise – heim til langhelg, dog litt forsinka.
Takk for besøket alle som ein frå Krohnengen.