«Retning til neste post: 123 grader, avstand til post: 104 meter». Dette er opplysningane elevane får ved kvar av postane i leirskulen si gradorienteringsløype. Eller rettare sagt, den løypa elevane gjennomførte denne veka. Desse løypene våre vert endra og flytta stadig vekk, slik at me ikkje lagar tydelege trakk i terrenget.
Innstilling av kompass er teknikktrenining; snu kompasshuset til riktig gradetal, halde kompasset rett veg og snu kroppen slik av magnetnål kjem inni nordpila. Først då er me klar til marsj - i den retning marsjpila peikar. Denne teknikken vert demonstrert og øvd på før me går ut og den vert repetert ute i felt før elevane, gruppevis, startar løypa - "operasjon Gradorientering".
Grtadorientering var dog berre ein liten del av leirskuleveka – ei veke som gjekk frå måndag til fredag. Måndag var velkomstdag med alt som høyrer med av innkøyring av rutinar, samarbeidstrening og så vidare.
Tysdag og torsdag var utedagar der skulane var delt. Begge skular har gjennomført same undervisningsopplegg denne veka – ein dag på vatn med fokus på kanopadling og fisk, samt ein dag i skogen der allemannsretten og, nemnde, gradorientering var undervisningstema.
Onsdag var bygdedag der elevane var innom ein bygdedagsaktivitet på føremiddagen. Ettermiddagen vart nytta til ei fordjupingsøkt innan ein friluftsaktivitet – og som seg hør og bør så blei bygdedagen avslutta med kveldsbesøket hjå familien Håland.
Fredag, siste dag på leirskule, vart fullført med utpakking, besøk i gamle Holdhus kyrkje før den avsluttande lunsjen stod for tur. Til sist var det pakking i buss og takk for no.
God helg til både elevar og lærarar frå Flaktiveit og Mjølkeråen etter ei god veke på haustleirskule.