Då er enda ei marinveke over på Salhus skule. I løpet av denne veka har timeplanen blitt lagt bort, og alle har hatt fokus på livet i havet.
Marinveka har vore ein tradisjon i Salhus i annakvart år sidan 2008. Innhaldet har nok endra seg noko, men fiske frå båt og kai har det vore fokus på sidan starten. For mange elevar er dette det først møte med det å vere i båt og fiske. Sjølv om det i starten er ekkelt å ta på fisken, og sjå at den blir filitert, et dei store mengder sjølvfiska fisk, grilla i folie.
I tillegg til å vere ein heil dag i båt, på kaien og fiske, har elevane denne veka og vore med på andre aktivitetar. Ein aktivitet kvar dag.
FISK: Til venstre: Haifødsel på kaia. Til høgre: Makrell
Bilde: Salhus skule
LIVBØYE: Elevane fekk trene med livbøya
Bilde: Salhus skule
BAD: I Storåkervika har vi sett etter liv i fjæra, grilla pølser og avslutta dagen med eit bad i sjøen, der temperaturen viste 15 grader.
Bilde: Salhus skule
FISKEMAT: På skulekjøkkenet har elevane fått laga fiskeburgar, det har blant anna gått med 7,5 kg fisk og 20 egg. Elevane har laga hamburgarbrød, fiskefarse, dressing og potetbåter. Dei har lært om næringsinnhald i fisk, og kvifor eit variert kosthold er bra for barn i vekst.
Bilde: Salhus skule
KUNST: Elevane hadde og kunst- og handverksoppgåver.
Bilde: Salhus skule
OPPSLAGSVERK: Den siste gruppa har laga eit oppslagsverk der du finn mykje fakta om nokre av dei ulike artane av fisk som vi har i fjorden utanfor Salhus. På veggen på gamleskulen er det hengt opp fisker som elevane har teikna. Det har vore veldig kjekt å sjå kor flinke fadrane har vore med å hjelpe fadderbarna.
Bilde: Salhus skule
Klassane har jobba saman 1. og 5. trinn, 2. og 6. trinn, 3. og 7. trinn og 4. trinn åleine. Dei eldste har hatt eit ekstra viktig ansvar for å vere gode rollemodellar for dei yngste elevane. Det har vore kjekt å sjå korleis barna utforsker og lærer i lag.
Vi har fantastiske foreldre, besteforeldre og storesøsken på Salhus skule! Dei hjelper oss med båtar, og som hjelpande vaksne på kaien. Utan denne hjelpa hadde vi ikkje fått gjennomført dette. Takk for innsatsen!
