Klokkarlia

Om planforslaget

En til En Arkitekter føreslår på vegne av Klokkarlia 20 Eiendom AS detaljregulering for eit område på Øvsttun i Fana bydel. Intensjonen med planforslaget er å leggje til rette for ombygging av delar av eksisterande
bygg til bustadføremål. Eksisterande bygg var opphavleg nytta som pikehjem, men har dei siste tiåra vore nytta som barnevernsinstitusjon. Det er føreslått rekkehus og leilegheiter i eksisterande bygg, totalt tolv rekkehus og ti leilegheiter. I tillegg kan det etablerast fire nye tomannsbustadar med åtte bueiningar. 

Maksimal gesimshøgd for busetnaden er inntil kote +124 meter, som er det same som tre etasjar. Samla totalt bruksareal er 4 142 m2, som er det same som 68 %-BRA. Planområdet er på 29 356 m2. Klokkarskogen og økologisk korridor gjennom planområdet vert vareteke i planforslaget.

Har du merknader til planforslaget?

Grunneigarar, naboar og alle interesserte vert inviterte til å kome med synspunkt og innspel til planforslaget. Eventuelle innspel, synspunkt og merknader kan sendast via den blå og kvite merknadsboksen på denne sida.

Berørte grunneigarar og gjenbuarar vert varsla direkte via elektronisk brev.

E-post kan òg sendast direkte til: postmottak.planogbygg@bergen.kommune.no

Brevpost:
Bergen kommune
Plan- og bygningsetaten
Postboks 7700
5020 Bergen

Ved all førespurnad ber vi om at du oppgjev saksnummer.

Ver merksam på at merknaden din kan verte gjenstand for offentleg innsyn, i tråd med offentleglova og arkivlovgivinga.

Du kan følgje behandlinga i dei politiske utvala på kommunen sine nettsider: https://www.bergen.kommune.no/politikk/politiskeutvalg

Saksdokumenter: